Elsku litla prinsessan okkar er 5 ára í dag.

Í agnablikinu erum við á hóteli, herbergi sem er hálfgerð íbúð, með eldhúsi og öllu saman. En við ætlum að reyna að koma okkur í íbúðina okkar í dag.
Kærar kveðjur frá fjölskyldunni sem gerir hlutina hratt...

Sæl og blessuð þið tryggu lesendur :)

Atvinnumannslífið er að "tríta" mig mjög vel þó að ekki hafi maður nú mikið fyrir stafni á daginn. En ég kvarta ekki. Þetta hefur jú alltaf verið draumurinn :) En á milli þess sem ég horfi á sjónvarpið, ét og horfi meira á sjónvarpið þá hef ég verið að leita að íbúðum fyrir okkur fjölskylduna. Fyrsta íbúðin sem ég skoðaði leit vel út en vitleysingarnir sem leigja hana út ákváðu að velja okkur ekki sem leigjendur. Óskiljanlegt! En í dag er ég að fara skoða heilar 3 íbúðir og vonandi verður ein af þeim okkar heimili næstu mánuðina. Ég hef haft það fyrir reglu að troða því að að ég sé "en Brann spiller" og vonandi hefur það góð áhrif á leigusalana :) En á meðan ég sit hérna á hótelherbergi og geri nánast ekki neitt þá er Stefán sveitt heima á Íslandi við að pakka allri búslóðinni niður, selja bílinn og eiginlega ganga frá öllu. Það er ekki laust við það að samviskan sé aðeins að naga mann yfir því að hafa skilið hana eftir með nánast allt ófrágengið. En ég redda því með því að finna handa okkur góða íbúð og líklegast mini-van fyrir fjölskylduna og til að ferja alla gestina sem eru búnir að lofa að mæta á svæðið :)

En það styttist í stóra daginn, 2.ágúst, en þá má ég spila minn fyrsta leik fyrir Brann. Ég get ekki beðið. Hægri bakvörðurinn er ekki búinn að eiga góða leiki uppá síðkastið þannig að ég verð að æfa eins og skepna og mæta í byrjunarliðið á heimavelli í fyrsta leik á móti Ham-Kam. Heimavöllur Brann er sóðalegur. Stemningin er svakaleg frá upphafi til enda og 18000 manna völlurinn er alltaf troðfullur. Það verður geðveikt að stíga inn á þennan völl og spila. Ég fæ bara gæsahúð við að hugsa um það. En jæja, þá er þetta orðið gott. Læt nokkrar myndir af stemningunni á Brann stadium fylgja. Salut



                                                            Brann Stadium



         
                                                             Agaleg stemning

jæja, nú hefur margt breyst hjá okkur Noregsförum...

*Í byrjun sumars biðum við og biðum eftir að fá íbúð í Rvk og ætluðum að keyra á milli á skólann síðasta veturinn því Birkir æfði daglega en skólinn var ekki upp á hvern dag.

*Við fengum íbúð, fluttum upp á 3. hæð... en aðeins 2-3 vikum síðar var Valsari Íslands seldur úr landi og stendur nú til að fjölskyldan flytjist af landi brott áður en langt um líður. 

*Við förum tvö til Noregs í fyrramálið, förum á leik með Brann sem þeir eiga við Lyn í Oslo og förum svo til Bergen annað kvöld. Þar stendur til að reima aðeins á sig takkaskóna og skoða sig um. Miðvikudeginum eyðum við svo einnig í Bergen og skoðum umhverfið, skólana, húsnæðismarkaðinn og þess háttar:)  Við eigum svo kvöldflug á miðvikudaginn heim aftur. 

*Birkir á Þá ekkert eftir á klakanum nema að henda í tösku og kveðja, því hann er svo alfarinn á fös eða lau.  Ég fylgi svo á eftir með börnin Þegar líða fer á mánuðinn og stefni á að vera komin út fyrir 1. ágúst. 

*Birkis plön eru nokkuð ljós næstu misseri en mín eru að verða ljós... ég ætla að fá mér gítar! þarf ég að segja meira

*Þegar ég verð orðin sleip í norskunni og partýhæf á gítarinn þá klára ég þetta litla sem ég á eftir til að verða íþróttafræðingur

*og takk kærlega fyrir allar kveðjurnar fólks!!! voðalega eigum við marga vini

*Bergen! here we come (það var ekki til broskall með regnhlíf...)

Læt eina mynd fylgja af okkur systkinunum með púkana okkar, vænti þess að fá heimsókn frá þeim og fjölskyldum þeirra og ÖLLUM þeim sem hafa sagst ætla að koma í heimsókn!!!

smá breyting frá síðasta bloggi...
Birkir er ekki á leiðinni til Hvíta-Rússlands heldur Noregs
Þeir sem vilja koma í kveðjusleik áður en fjölskyldan heldur utan er bent á að bregðast skjótt við

Eins og ég sagði... AAAAAAAALLT að gerast:)
SS